വാർത്തകൾ

ജനകീയാസൂത്രണത്തിന്റെ രജതജൂബിലി ആഘോഷവും ജില്ലാ പഞ്ചായത്ത് മുൻ അദ്ധ്യക്ഷന്മാർക്ക് ആദരവും

ജനകീയാസൂത്രണത്തിന്‍റെ ഇരുപത്തിയഞ്ചാം വാർഷിക ആഘോഷങ്ങളുടെ ഉദ്ഘാടനത്തിന്റെ ഭാഗമായി തിരുവനന്തപുരം ജില്ലാ പഞ്ചായത്ത് മുൻ അധ്യക്ഷൻമാരെയും ജനപ്രതിനിധികളെയും ആദരിച്ചു.

സൗരോർജ പാനൽ, പേരൂർക്കട ജില്ലാ മാതൃകാ ആശുപത്രിയിൽ ഓക്സിജൻ പ്ലാന്റ് സ്ഥാപിക്കൽ, കോവിഡ് മൂന്നാം തരംഗ പ്രതിരോധ പരിശീലനം തുടങ്ങി വിവിധ പദ്ധതികളുടെ ഉദ്ഘാടനം

കോവിഡ് മൂന്നാം തരംഗ ഊർജ്ജിത പ്രതിരോധ പരിശീലന പരിപാടിയുടെ ഉദ്ഘാടനവും, പേരൂർക്കട ജില്ലാ ആശുപ്രതിയിൽ എച്ച്.ഡി.എഫ്.സി. ബാങ്കിന്റെ സി.എസ്.ആർ. ഫണ്ടുപയോഗിച്ച് നിർമ്മിച്ചു നൽകുന്ന 1000 എൽ. പി. എം. കപ്പാസിറ്റിയുള്ള ഓക്സിജൻ പ്ലാന്റിന്റെ ധാരണാപത്രം ഏറ്റുവാങ്ങലും, ജില്ലാ പഞ്ചായത്തിലും അനുബന്ധ സ്ഥാപനങ്ങളിലും, ജില്ലാ പഞ്ചായത്ത് പദ്ധതി പ്രകാരം ഇൻകെൽ ലിമിറ്റഡ് സ്ഥാപിച്ചിട്ടുള്ള 506 കിലോ വാട്ട് സൗരോർജ്ജ പ്ലാന്റുകളുടെ പ്രവർത്തനോദ്ഘാടനവും ജൂൺ 15 ചൊവ്വാഴ്ച്ച 3 മണിക്ക് ജില്ലാ പഞ്ചായത്ത് ഇ.എം.എസ്. സ്മാരക ഹാളിൽ ബഹു. തദ്ദേശ സ്വയംഭരണ, എക്സൈസ് വകുപ്പ് മന്ത്രി ശ്രീ. എം. വി. ഗോവിന്ദൻ മാസ്റ്റർ നിർവ്വഹിച്ചു.

നെടുമങ്ങാട് ജില്ലാ ആശുപത്രിയിൽ കോവിഡ് വാർഡ് ഉദ്ഘാടനം ചെയ്തു

തിരുവനന്തപുരം ജില്ലാ പഞ്ചായത്ത് ഉടമസ്ഥതയിലുള്ള നെടുമങ്ങാട് ജില്ലാ ആശുപത്രിയിൽ കോവിഡ് വാർഡ് ഉദ്ഘാടനം ചെയ്യപ്പെട്ടു

മുഖ്യമന്ത്രിയുടെ ദുരിതാശ്വാസനിധിയിലേക്ക് ജില്ലാ പഞ്ചായത്തിന്‍റെ ഒരു കോടി രൂപ സംഭാവന

സംസ്ഥാനത്ത് കോവിഡ് - 19 രണ്ടാം തരംഗം മൂർച്ഛിക്കുന്ന സാഹചര്യത്തിൽ സംസ്ഥാന സർക്കാരിന്റെ പ്രതിരോധ പ്രവർത്തനങ്ങൾക്ക് ഊർജ്ജം പകരുന്നതിന് മുഖ്യമന്ത്രിയുടെ ദുരിതാശ്വാസനിധിയിലേക്ക് തിരുവനന്തപുരം ജില്ലാ പഞ്ചായത്ത് ഒരു കോടി രൂപ സംഭാവനയായി നൽകും

ദീൻ ദയാൽ ദേശീയ പുരസ്കാരം പ്രധാനമന്ത്രിയിൽ നിന്നും ജില്ലാ പഞ്ചായത്ത് പ്രസിഡന്റ് അഡ്വക്കേറ്റ് ഡി സുരേഷ് കുമാർ ഏറ്റുവാങ്ങി

കോവിഡ് മഹാമാരിയുടെ പശ്ചാത്തലത്തിൽ വെർച്വൽ ആയി സംഘടിപ്പിച്ച പഞ്ചായത്ത് ദിനാഘോഷ ചടങ്ങിൽ മികച്ച ജില്ലാ പഞ്ചായത്തിനുള്ള ദീൻ ദയാൽ ദേശീയ പുരസ്കാരം ഇന്ത്യൻ പ്രധാനമന്ത്രി ശ്രീ നരേന്ദ്ര മോദിയിൽ നിന്നും തിരുവനന്തപുരം ജില്ലാ പഞ്ചായത്ത് പ്രസിഡന്റ് അഡ്വ. ഡി സുരേഷ് കുമാർ ഏറ്റുവാങ്ങി.

കോവിഡ് പ്രതിരോധ പ്രവർത്തനം ഊർജ്ജിതമാക്കി തിരുവനന്തപുരം ജില്ലാ പഞ്ചായത്ത്

തിരുവനന്തപുരം ജില്ലാ പഞ്ചായത്ത് 2021 ഏപ്രിൽ 20-ാം തീയതി (ചൊവ്വാഴ്ച) പ്രസിഡന്റ് അഡ്വ. ഡി. സുരേഷ് കുമാറിന്റെ അദ്ധ്യക്ഷതയിൽ കൂടിയ സ്റ്റിയറിംഗ് കമ്മിറ്റി യോഗത്തിൽ ജില്ലാ പഞ്ചായത്തിന് കീഴിൽ കോവിഡ് പ്രതിരോധ പ്രവർത്തനം ഊർജ്ജിതമാക്കുന്നതിനുള്ള വിവിധ നടപടികൾ കൈക്കൊള്ളുവാൻ തീരുമാനിച്ചു.

തിരുവനന്തപുരം ജില്ലാ പഞ്ചായത്തിന് രണ്ടാം തവണയും ദീൻ ദയാൽ ഉപാധ്യായ ദേശീയ പുരസ്‌കാരം.

ചരിത്രവിജയം നേടി തിരുവനന്തപുരം ജില്ലാ പഞ്ചായത്തിന് രണ്ടാം തവണയും ദീൻ ദയാൽ ഉപാധ്യായ ദേശീയ പുരസ്‌കാരം. 5 കൊല്ലത്തിനിടയിൽ 3 തവണ തുടർച്ചയായി മികച്ച ജില്ലാ പഞ്ചായത്തിനുള്ള സ്വരാജ് ട്രോഫി സംസ്ഥാന പുരസ്കാരവും 2 തവണ ദേശീയ പുരസ്കാരവും ലഭിച്ച അഭിമാനാർഹമായ നേട്ടമുൾപ്പെടെ പതിനാലോളം സംസ്ഥാന-ദേശീയ പുരസ്കാരങ്ങൾ 2015-20 കാലയളവിൽ നേടിക്കൊണ്ട് തദ്ദേശസ്വയംഭരണ സ്ഥാപനങ്ങളുടെ വിജയചരിത്രത്തിൽ തിരുവനന്തപുരം ജില്ലാ പഞ്ചായത്ത് പുതിയ അധ്യായം കുറിക്കുകയാണ്.

2020-25 ഭരണസമിതി സത്യപ്രതിജ്ഞ

തിരുവനന്തപുരം ജില്ലാ പഞ്ചായത്തിലെ തിരഞ്ഞെടുക്കപ്പെട്ട പുതിയ ഭരണസമിതി അംഗങ്ങള്‍ ജില്ലാ പഞ്ചായത്തിലെ ഇ.എം.എസ് ഹാളില്‍ വച്ച് 2020 ഡിസംബര്‍ 21 തിങ്കളാഴ്ച്ച രാവിലെ 10 മണിയ്ക്ക് സത്യപ്രതിജ്ഞ ചെയ്തു ചുമതലയേറ്റു.

തിരുവനന്തപുരം ജില്ലാപഞ്ചായത്തിന്‍റെ OWN-ONLINE പദ്ധതിയ്ക്ക് ഗംഭീര തുടക്കം

ജില്ലയില്‍ ഓണ്‍ലൈന്‍ സൗകര്യമില്ലാത്ത എല്ലാ സ്കൂള്‍ വിദ്യാര്‍ത്ഥികള്‍ക്കും പഠന സൗകര്യം ഉറപ്പാക്കുന്നതിനായി ജില്ലാ പഞ്ചായത്ത് രൂപം നല്‍കിയ OWN-ONLINE പദ്ധതിക്ക് ഗംഭീര തുടക്കം. ഈ പദ്ധതിയുടെ ജില്ലാതല ഉദ്ഘാടനം 05.06.2020 ന് കുറ്റിച്ചല്‍ ഗ്രാമപഞ്ചായത്തിലെ മണ്ണാംകോണം സെറ്റില്‍മെന്‍റെില്‍ വച്ച് ബഹു. ജില്ലാ പഞ്ചായത്ത് പ്രസിഡന്‍റ് ശ്രീ. വി.കെ മധു നിര്‍വ്വഹിച്ചു.

എസ്എസ്എൽസി, പ്ലസ് ടു പരീക്ഷകൾക്കായി ജില്ലയിലെ സ്കൂളുകൾ സജ്ജീകരിച്ചു

മാറ്റിവയ്ക്കപ്പെട്ട എസ് എസ്എൽസി, പ്ലസ് ടു പരീക്ഷകൾ ഇന്നു തുടങ്ങാനിരിക്കെ ജില്ലയിലെ സ്കൂളുകളിൽ വിപുലമായ സജ്ജീകരണങ്ങളാണ് തയ്യാറാക്കിയിരിക്കുന്നത്.

കോവിഡ് 19: തിരുവനന്തപുരം ജില്ലയിലെ എല്ലാ ഗ്രാമപഞ്ചായത്തുകളിലും കമ്മ്യൂണിറ്റി കിച്ചണ്‍

ജില്ലയിലെ 73 ഗ്രാമപഞ്ചായത്തുകളിലും കമ്മ്യൂണിറ്റി കിച്ചനും ജനതാഹോട്ടലുകളും ആരംഭിക്കാൻ ജില്ലാപഞ്ചായത്തുപ്രസിഡന്‍റിന്‍റെ അധ്യക്ഷതയിൽ ചേർന്ന യോഗത്തിൽ തീരുമാനമായി.

കോവിഡ് 19: തദ്ദേശസ്വയംഭരണ സ്ഥാപനങ്ങൾ ഊർജ്ജിതമായ പ്രതിരോധപ്രവർത്തനങ്ങൾക്ക് സജ്ജം

കോവിഡ് 19 വ്യാപനം തടയുന്നതിന് സംസ്ഥാനസർക്കാരിന്‍റെ നിർദ്ദേശമനുസരിച്ച് തദ്ദേശസ്വയംഭരണസ്ഥാപനങ്ങളുടെ അടിയന്തിരയോഗം നാളെ

സംസ്ഥാനത്തെ മികച്ച ജില്ലാപഞ്ചായത്തിനുള്ള ഗ്രാമസ്വരാജ് പുരസ്കാരം തിരുവനന്തപുő

സംസ്ഥാനത്തെ മികച്ച ജില്ലാപഞ്ചായത്തിനുള്ള ഗ്രാമസ്വരാജ് പുരസ്കാരം തിരുവനന്തപുരം ജില്ലാപഞ്ചായത്തിന്.

വിതുരയിലെ പി.ടി.ഉഷ സ്റ്റേഡിയം അത്യാധുനിക സൗകര്യങ്ങളോടെ ജില്ലാ പഞ്ചായത്ത് നവീകരിക്കുന്നു

വിതുരയിലെ പി.ടി.ഉഷ സ്റ്റേഡിയം അത്യാധുനിക സൗകര്യങ്ങളോടെ ജില്ലാ പഞ്ചായത്ത് നവീകരിക്കുന്നു. ജില്ലാ പഞ്ചായത്തിന്റെ വികസന ഫണ്ട് ഉപയോഗിച്ചുള്ള സ്റ്റേഡിയത്തിന്റെ നിര്‍മ്മാണോദ്ഘാടനം 22/06/2020 ന് രാവിലെ 10 മണിക്ക് ബഹു. ജില്ലാ പഞ്ചായത്ത് പ്രസിഡന്റ് ശ്രീ. വി.കെ. മധു നിര്‍വ്വഹിക്കുന്നു

2019-20 വർഷത്തെ സ്വരാജ് ട്രോഫി തിരുവനന്തപുരം ജില്ലാ പഞ്ചായത്തിന്‌

സംസ്ഥാനത്തെ ഏറ്റവും മികച്ച ജില്ലാ പഞ്ചായത്തിനുള്ള സ്വരാജ് പുരസ്കാരം തിരുവനന്തപുരം ജില്ലാ പഞ്ചായത്ത് ഏറ്റുവാങ്ങി